Pukapuka ManuhiriVisitors' Book

Whakamāori whakapākehā ranei: 029-030| Translation of pages: 029-030

• open

  Nga kupu a nga tangata matakitaki, me tuhituhi kikonei|Te reo Māori and English - complete transcription

  Te Ra Date	Ingoa Name	Kainga Residence	Whakaaro Comments
  1902 Mei 21	Hapimana mokau	ngāti maniapoto	kua tae mai matou kooku hoa ki roto i tenei whare i toku kitenga i oku papa ikonei me toku tuakana Henui atu toku aroha me toku tangi katoa ki a ratou ano te pai o toku kitenga ia ratou ko te Wa ano e ora ana ratou tua rua o aku whakapai, ko te pakeha naana ratou imahi kia penei kia ora kia ora rawakoe Heoi ra aku papa hei konei korua me ta korua tamaiti me tawhiao me nga ranga tira oniu tireni e noho huihui nei koutou iroto ito koutou whare i akarana nei.
  Mei 21	Te kei Paehua	Ngatiraukawa	Kua tae mai ahau ki konei ia Mei 17th 1902 Ka kite ahau ioKu Tupuna ia Wahanui - Manga Maniapoto - me Tawhiao - e noho hui hui ana ratou i roto i tenei ruma - he nui taku whaka mihi me toku tangi katoa motoku kite nga ia ratou - he wahi roa rawa te wahi i ngaro atu ai ratou ia hau. Kua Kite neiahau - ku no reira te nui o taku mihi - e koro ma tena koutou - ngarangatira mete Kingi nui O niutireni - aha koa kua tae atu koutou kite na wahi noho ai - Tena Koutou ote mana o tekupu Temana - ote tangata- Te okiokingaote tangata Tawhiao Te Kingi nui Hei konei ra koutou kopapa - meo koutou hoa rangatira e noho hui hui nei koutou i roto ite whare - Tena koutou katoa - Heoi Tuarua Ko aku whakamihi ko te pakeha nana koutou i hanga kia penei te ahua hei tiro hanga ma o koutou uri whakatupu, ake, ake ake, amene -

• open

  Ngā kupu a ngā tāngata mātakitaki, me tuhituhi ki konei |Te reo Māori - with modern punctuation and macrons

  Te Ra Date	Ingoa Name	Kainga Residence	Whakaaro Comments
  1902 Mei 21	Hapimana mokau	ngāti maniapoto	Kua tae mai mātou ko ōku hoa ki roto i tēnei whare. I tōku kitenga i ōku pāpā i konei me tōku tuakana, he nui atu tōku aroha me tōku tangi katoa ki a rātou, ānō te pai o tōku kitenga i a rātou ko te wā anō e ora ana rātou. Tuarua o aku whakapai, ko te Pākehā nāna rātou i mahi kia pēnei, kia ora rawa koe. Heoi rā aku pāpā hei konei kōrua me tā kōrua tamaiti me Tāwhiao, me ngā rangatira o Niu Tīreni e noho huihui nei koutou i roto i tō koutou whare i Ākarana nei.
  Mei 21	Te kei Paehua	Ngatiraukawa	Kua tae mai ahau ki konei i a Mei 17th 1902 Ka kite ahau i ōku tūpuna i a Wahanui - Manga Maniapoto - me Tāwhiao - e noho huihui ana rātou i roto i tēnei rūma. He nui taku whakamihi me tōku tangi katoa mō tōku kitenga i a rātou. He wāhi roa rawa te wāhi i ngaro atu ai rātou i ahau. Kua kite nei ahau -ku? Nō reira te nui o tāku mihi. E koro mā tēnā koutou ngā rangatira me te Kingi nui o Niu Tīreni. Ahakoa kua tae atu koutou ki tēnā wāhi noho ai, tēnā koutou o te mana o te kupu, te mana o te tangata, te okiokinga o te tangata, Tāwhiao te Kīngi nui. Hei konei rā koutou ko ō pāpā me ō hoa rangatira e noho huihui nei koutou i roto i te whare - Tēnā koutou katoa. Heoi tuarua, ko aku whakamihi ko te Pākehā nāna koutou i hanga kia pēnei te āhua hei tirohanga mā ō koutou uri whakatupu, ake, ake ake, āmene.

• open

  Ngā kupu a ngā tāngata mātakitaki, me tuhituhi ki konei |English - complete transcription and translation

  Te Ra Date	Ingoa Name	Kainga Residence	Whakaaro Comments
  1902 Mei 21	Hapimana mokau	ngāti maniapoto	My friends and I have arrived at this gallery. On seeing my fathers/uncles and my older brother/cousin I was full of affection and grief for them all. What a delight it was to see them as if they were still alive. Secondly, I am very pleased with the Pākehā who painted my elders, salutations to you. And so then, to my fathers I bid farewell to you two and to your son, to Tawhiao, and all the other chiefs of New Zealand who are assembled together here in your abode here in Auckland.
  Mei 21	Te kei Paehua	Ngatiraukawa	It was the 17th of May, 1902 that I arrived here. I saw my ancestors, Wahanui, Manga Maniapoto, and Tawhiao. They were all assembled in this room. I was full of appreciation and sorrow at seeing them all. It has been quite a long time since their departure from me. I have seen them now and I am filled with gratitude. Greetings my noble elders and to the King of New Zealand. Although you now reside in another place, I greet you all, you whose words were revered, and who were held in high estimation who now rest with the great King Tāwhiao. Remain here with your forefathers and your noble friends assembled here in this house - I greet you all. Secondly I pay homage to the Pākehā who fashioned you in this way to be admired by your future descendants, for ever and ever amen.